सावधान! पुढील 72 तासांत अतिमुसळधार कोसळणार; ‘या’ जिल्ह्यांना हाय अलर्ट जारी

हवामान विभागाने दिलेल्या इशाऱ्यानुसार पुढील 24 तासांत सातारा आणि सांगलीत मुसळधार पाऊस होईल.

Maharashtra Rain Forecast : राज्यात पुन्हा एकदा पावसाचा जोर वाढला आहे. आजही काही जिल्ह्यांत मुसळधार पावसाने हजेरी लावली. पुढील तीन ते चार दिवस राज्यात अनेक ठिकाणी अतिमुसळधार पावसाचा इशारा देण्यात आला आहे. मराठवाडा, विदर्भ, पश्चिम महाराष्ट्रात मुसळधार पावसाचा अंदाज आहे. विजांच्या कडकडाटास पाऊस होण्याची शक्यता असल्याने नागरिकांनी काळजी घ्यावी असे आवाहन करण्यात आलं आहे. दरम्यान, हवामान विभागाने दिलेल्या इशाऱ्यानुसार पुढील 24 तासांत सातारा आणि सांगलीत मुसळधार पाऊस होईल. पुणे जिल्ह्यात तीन ते चार दिवसांत मुसळधार पावसाची शक्यता आहे.

आज राज्यात अनेक ठिकाणी मुसळधार पावसाने (Heavy Rain) हजेरी लावली. अहिल्यानगर शहरात सायंकाळच्या (Maharashtra Rain Forecast) वेळी तुफान पाऊस झाला. आणखीही काही दिवस पावसाचा अंदाज व्यक्त करण्यात आला आहे. कोल्हापूर जिल्ह्यात मध्यम स्वरुपाचा पाऊस पडेल असा अंदाज भारतीय हवामान खात्याने व्यक्त केला आहे. सोलापूरमध्ये देखील जोरदार पावसाला सुरुवात झाली आहे.

उत्तर भारतात मुसळधार पावसाचा कहर! दिल्ली, पंजाब, जम्मूमध्ये पूरस्थिती; यमुना नदी धोक्याच्या पातळीवर

पुणे जिल्ह्यात पुढील तीन ते चार दिवसात मुसळधार पावसाची शक्यता आहे. हवामान विभागाकडून (IMD Rain Alert) जिल्ह्याला आज पावसाचा यलो अलर्ट तर पुढील तीन दिवस ऑरेंज अलर्ट जारी करण्यात आला आहे. पुणे जिल्ह्यासह घाटमाथ्यावर देखील पावसाचा जोर वाढणार असल्याने नागरिकांनी काळजी घ्यावी असे हवामान विभागाने म्हटले आहे. हवामान खात्याने येत्या पुन्हा मुसळधार पावसाचा इशारा दिला आहे. त्यामुळे परिस्थिती आणखी गंभीर होण्याची शक्यता नाकारता येत नाही.

प्रशासनाच्या नागरिकांना सूचना

नागरिकांनी अशा परिस्थितीत घराबाहेर न घोंडता सतर्क राहावं; प्रशासन आणि बचाव यंत्रणांनी पूर, व्यापार आणि रहदारी व्यवस्थापनासाठी सज्ज राहावं, ही विनंती संबंधित अधिकाऱ्यांनी केली आहे. नागरिकांनी शक्यतो घराबाहेर न पडता, अलर्टची सतत माहिती घेत, प्रशासनाच्या सूचनांचे पालन करणे अत्यावश्यक आहे. फारच महत्वाचे काम असेल तरच घराबाहेर पडता येईल.

पावसाचा मुक्काम कायम! आज मुंबईसह ‘या’ जिल्ह्यांत कोसळधार; हवामान विभागाचा अलर्ट

संबंधित बातम्या